بسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
ما هو MSAN | شرح MSAN
ما هي الـ MSAN عقدة وصول متعددة الخدمات
اختصار لـ Multi-Service Access Node.
يعني هيا عباره عن نقطه تجمع او بمعني اخر سنترال مصغر وبتقدر تقدم خدمات كتير ولاكثر من جهه يعني تقدر تخدم اشخاص زي خدمات الانترنت والتليفون الارضي و خدمات الفاكس وشركات وبنوك وجهات حكوميه وطبعا كل جهه خدمتها بتختلف عن التانيه.
الـ MSAN عباره عن كابينه بالمنظر ده
وجت فكرت تنفيذ الكابينة بسبب تدهور حاله الانترنت بسبب طول الخطوط النحاس والي كان بيعدي الـ 5 كيلو وده كان بينتج عنه فقد كبير في الاشاره القادمه اليك .
لكن بعد البدء في استخدام MSAN اصبح الموضوع اسهل واقرب للمستخدم لان بيتم ربط الكابينه بفايبر من السنترال وبيتم توزيع الكبائن بحيث المسافات تكون في متوسط 500 للعملاء فاصبح بعد ما كان خط النحاس طوله من السنترال للعميل 5 كيلو او اكتر اصبح 500 متر او اقل وطبعا وكل ما المنطقه اصبحت اكبر يزداد عدد الكبائن.
انواع كيائن الـ MSAN
في كبائن Indoor داخل السنترال و كياين Outdoor خارج السنترال ( الشوارع - داخل اماكن عامه).
اشهر انواع كبائن MSAN استخداما هي :
ZTE - Nokia - Huawei - Alcatel
وكل الانواع في منها حجم كبير مكون من Shelf او اكتر ....
وحجم صغير مكون من شيلف واحد صغير .
مكونات كابينة MSAN Huawei
- الكابينة الكبيره او T500:
كل شيلف بيحتوي علي 16 slot كل slot يمكن تركيب فيه كارت واحد والكروت دي تستخدم لنقل الخدمه مثل الانترنت والفاكس والتليفون الارضي.
وكارتين كنترول واحد شغال والتاني Stand by بحيث لو حصل عطل في الكارت الاول التاني يشتغل بدون فقد الاتصال او انقطاع الخدمه ويستخدم للتحكم في كل اعمال الكابينه من انذارات السرقه وارتفاع درجات الحراره وخلافه الي التحكم في المشتركين .
وكارت باور عشان يوزع الكهرباء للكروت اللي موجوده في الكابينه والكروت المتحكمه في تشغيل المراوح وسرعه دورانها.
الكابينه الصغيره او T300 مكونه من شيلف واحد فقط وتحتوي علي 6 كروت فقط للخدمات وكارتين كنترول وكارت باور .
وطبعا في جانب اي نوع كابينه بيكون موجود الفريم وده المسئول عن ربط العميل بـ الكابينه.
وبيكون موجود في جانب الكابينه لوحة كهربا وفيها عداد وفيوز للحمايه.
وهنلاقي في الكابينه من الاعلي مراوح ودي المسئوله عن تهويه الكابينه.
وهنلاقي في الجزء الي تحت الريكتفيرز وده المسئول عن الكهربا الـ DC.
وفي الاسفل خالص البطاريات ودي المسئوله عن تشغيل الكابينه في حاله انقطاع الكهرباء.
والباب عليه فلاتر لتنقيه الهواء الداخل للكابينه ومنع دخول الاتربه.
ويوجد العديد من الحساسات مثل حساس الدخان وحساس ارتفاع درجة الحراره وحساس للباب .
عيوب الـ MSAN
من عيوب كبائن MSAN انها بتتاثر بالعوامل الخارجيه مثل الرطوبه والامطار ودرجات الحراره وكثرة الاتربه بداخلها علي الرغم من وجود فلاتر وكل هذا بسبب ان معظم اماكن تواجدها في الشارع.
مميزات الـ MSAN
من اهم مميزات MSAN والي تخليك تتغاضي عن اي حاجه انها قربت المسافه جدا من العميل وقللت الفقد في الاشاره الي كان موجود قبل كده وطبعا ده اتلاحظ في السنوات الاخيره ارتفاع في سرعات الانترنت وزياده الاستقرار للخدمه ودائما ما تعمل الشركه المصريه للاتصالات علي تطوير هذه الكبائن و جاري العمل في مصر علي جعل البنيه التحتيه FTTH المصريه للاتصالات داخل جميع انحاء البلد.
فيديو شرح MSAN
لا تنسوا الاشتراك في القناه من هنا
لا تنسوا مشاركه هذه التدوينه مع اصدقائكم من الاسفل
لا تنسونا من صالح الدعاء
م / مصطفى أحمد
لا تنسونا من صالح الدعاء
م / مصطفى أحمد
مجهود مشكور...شكلاا جزيلا
ردحذف